تلنگانہ میں جنوب مغربی مانسون سرگرم

حیدرآباد: محکمہ موسمیات نے کہا کہ جمعرات کو تلنگانہ کے اضلاع عادل آباد، آصف آباد، منچریال، نرمل، ملگ، بھدرادری کوتہ گوڑم،کھمم، میدک اور کاما ریڈی میں بعض مقامات پر شدید بارش کا امکان ہے۔

اپنی رپورٹ میں محکمہ نے کہا کہ یکم، 3 اور 5 اگست کو ریاست کے بعض مقامات پر گرج وچمک کے ساتھ بارش ہوگی اور 30 سے 40 کلومیٹر فی گھنٹہ کی رفتار سے تیز ہوا وں کے چلنے کا امکان ہے۔

آئندہ تین دنوں کے دوران تلنگانہ کے چند مقامات پر 30 سے 40 کلومیٹر فی گھنٹہ کی رفتار سے مسلسل ہوائیں چلنے کا امکان ہے۔

اگلے سات دنوں کے دوران ریاست کے کئی مقامات یا چند مقامات پر ہلکی اوسط یا گرج چمک کے ساتھ بارش ہونے کا امکان ہے۔

تلنگانہ میں جنوب مغربی مانسون سرگرم رہا ہے۔گزشتہ 24 گھنٹوں کے دوران ریاست کے کاما ریڈی، آصف آباد اورمُلگ اضلاع کے چند مقامات پر شدید بارش ہوئی۔