سعودی عرب میں ایئرپورٹس آنے والے مسافروں کے پاسپورٹ پر خصوصی مہر

ریاض: سعودی عرب کے دارالحکومت ریاض میں محکمہ پاسپورٹ اور سعودی اتھارٹی فار ڈیٹا اینڈ آرٹیفیشل انٹیلی جنس کے زیر اہتمام عالمی اے آئی سمٹ کے موقع پر مملکت کے ہوائی اڈوں پر مسافروں کے پاسپورٹ پر خصوصی مہر لگائی گئیں۔

سعودی خبر رساں ادارے کی رپورٹ کے مطابق سعودی عرب کے ریاض کے شاہ خالد ایئرپورٹ،جدہ کے شاہ عبدالعزیز ایئرپورٹ اور دمام کے شاہ فہد ایئرپورٹس پر مسافروں کے پاسپورٹ پر 10 سے 12 ستمبر 2024 تک ہونے والی سمٹ کے حوالے سے خصوصی مہر ثبت کی جائے گی۔

عالمی اے آئی سمٹ کا تیسرا سیشن 10 سے 12 ستمبر تک ریاض میں منعقد کیا جائے گا، عالمی اے آئی سمٹ کے تیسرے سیشن میں 100 ملکوں کی 300 سے زیادہ شخصیات اور دنیا بھر کے ماہرین شریک ہوں گے۔ سمٹ کے موقع پر کئی ایم او یوز پر دستخط متوقع ہیں۔

دوسری جانب سعودی ٹریفک پولیس نے کہا ہے کہ کار اسکریچنگ پر ہونے والے چالان کی ادائیگی پرکوئی رعایت نہیں برتی جاتی، اسکریچنگ کرنے پر 20 سے 60 ہزار ریال تک کا چالان کیا جاتا ہے۔

ٹریفک پولیس نے یاد دہانی کرائی ہے کہ دیگر خلاف ورزیوں پر ہونیوالے چالان کی ادائیگیوں کے حوالے سے دی جانے والی 50 فیصد رعایت کی مدت 18 اکتوبر کو ختم کردی جائے گی۔