ابتدائی کاروبار میں اسٹاک مارکیٹ میں تیزی

ممبئی: آئی ٹی اور بینکنگ سیکٹر میں خریداری کی بدولت مقامی اسٹاک مارکیٹوں میں جمعہ کو ابتدائی کاروبار میں تیزی دیکھی گئی۔

بی ایس ای کا 30 حصص کا حساس انڈیکس سینسیکس 288.08 پوائنٹس کی تیزی کے ساتھ 83,670.79 پر کھلا۔ خبر لکھنے کے وقت یہ پچھلے کاروباری دن سے 386.09 پوائنٹس (0.46 فیصد) بڑھ کر 83,768.80 پوائنٹس پرپہنچ گیا تھا۔

اسی طرح، نیشنل اسٹاک ایکسچینج کا نفٹی 50 انڈیکس 30.45 پوائنٹس کے اضافے سے 25,696.05 پر کھلا۔ یہ بھی 91.55 پوائنٹس یعنی 0.36 فیصد اضافے کے ساتھ 25757.15 پر رہا۔

آئی ٹی اور بینکنگ کے علاوہ رئیلٹی، ایف ایم سی جی، آٹو اور تیل و گیس کے شعبوں میں بھی خریداری زیادہ دیکھی گئی۔ دریں اثنا، ہیلتھ کیئر، فارما، میٹل اور میڈیا سیکٹرز کے اسٹاکس میں فروخت کا زور رہا۔

سینسیکس کی کمپنیوں میں انفوسس، ریلائنس انڈسٹریز، ٹی سی ایس، مہندرا اینڈ مہندرا، اسٹیٹ بینک آف انڈیا اور ایل اینڈ ٹی کے حصص اوپر چل رہے تھےجبکہ ایرٹیل، ایٹرنل اور آئی سی آئی سی آئی بینک میں گراوٹ تھی۔