آٹھویں جماعت کی طالبہ پر ٹیچرکا جنسی حملہ۔متاثرہ کے رشتہ داروں کا احتجاج

حیدرآباد: آٹھویں جماعت کی طالبہ پر ٹیچر نے جنسی حملہ کیا جس کی شکایت متاثرہ کے باپ نے پولیس سے کی۔یہ واقعہ آندھراپردیش کے ضلع پلناڈو میں پیش آیا۔

تفصیلات کے مطابق اس واقعہ کے ذمہ دار ٹیچر کے خلاف کارروائی کرنے کامطالبہ کرتے ہوئے متاثرہ کے رشتہ داروں نے ضلع کے پیڈوگورالا علاقہ میں احتجاج کیا جس کے نتیجہ میں کشیدگی دیکھی گئی۔

احتجاجیوں نے شاہراہ پر ٹائروں کو جلادیا۔اس احتجاج کی اطلاع پر ڈی ایس پی وہاں پہنچ گئے جنہوں نے احتجاجیوں کو یقین دہانی کروائی کہ اس واقعہ کے ذمہ دار کے خلاف کارروائی کی جائے گی۔

احتجاجیوں نے اپنے مطالبہ کی حمایت میں نعرے بازی بھی کی۔