حیدرآباد کے شمس آباد ایئرپورٹ سے رائے پورجانے والے طیارہ میں تکنیکی خرابی

حیدرآباد: حیدرآباد کے شمس آباد ایئرپورٹ پر بدھ کے روز اس وقت ہلچل مچ گئی جب رائے پور جانے والی ایک فلائٹ میں اڑان بھرنے سے کچھ ہی دیر قبل تکنیکی خرابی کا انکشاف ہوا۔

اطلاعات کے مطابق مسافر طیارہ میں سوار ہو چکے تھے اور طیارہ رن وے کی طرف جانے کے لئے تیار تھا کہ پائلٹ نے معمول کی جانچ کے دوران ایک تکنیکی خرابی محسوس کی۔

حفاظتی اقدامات کے پیش نظر تمام مسافروں کو فوری طور پر طیارہ سے بحفاظت اتار لیا گیا اور تکنیکی ماہرین کی ٹیم کو معائنے کے لئے طلب کر لیا گیا۔

ایئرپورٹ حکام کا کہنا ہے کہ ماہرین خرابی کی شناخت اور اسے دور کرنے کی کوشش کر رہے ہیں۔