ہراسانی سے بچنے نو عمر لڑکیاں چلتی کار سے کود گئیں

سری نگر: شمالی کشمیر کے ہندواڑہ علاقے میں مبینہ چھیڑ چھاڑ سے بچنے کی خاطر دو نو عمر لڑکیاں چلتی کار سے کود گئیں۔

پولیس کے ایک ترجمان نے بتایا کہ کرالہ گنڈ پولیس کو اطلاع ملی کہ دو نو عمر لڑکیوں نے نجی گاڑی کے ڈرائیور سے لفٹ مانگی ۔

انہوں نے بتایا کہ جوں ہی لڑکیاں گاڑی میں سوار ہوئیں تو ڈرائیور اور اس کے ساتھی نے لڑکیوں کے ساتھ چھیڑ چھاڑ کرنے کی کوشش کی۔

ان کے مطابق درندہ صفت نوجوانو ں کے چنگل سے اپنے آپ کو بچانے کی خاطر لڑکیاں چلتی گاڑی سے کود گئیں۔

ذرائع نے بتایا کہ اگرچہ دونوں لڑکیوں کو چوٹ وغیرہ نہیں آئی تاہم انہیں طبی امداد کی خاطر ہسپتال منتقل کیا گیا۔

پولیس نے کیس درج کرکے تحقیقات شروع کی ہیں۔

پولیس ترجمان نے والدین سے اپیل کی ہے کہ وہ اپنی بچیوں کو بتائیں کہ اجنبی گاڑی کے ڈرائیور سے لفٹ لینے سے گریز کریں۔