تلنگانہ: 16 سالہ لڑکا تالاب میں غرق

حیدرآباد: تلنگانہ کے یادادری بھونگیر ضلع میں ایک 16سالہ لڑکا تالاب میں غرق ہوگیا۔یہ واقعہ منگل کی صبح پیش آیا۔یہ تالاب مندر کے قریب واقع ہے۔یہ لڑکا ضلع کے آتماکورمنڈل کے امرچنتلا علاقہ کا رہنے والا تھاجو اپنی ماں کے ساتھ پیر کی شب یادگیرگٹہ کو آیا تھااور منگل کی صبح نہانے کیلئے تالاب گیا تھا تاہم وہ غرق ہوگیا۔

اس تالاب میں قبل ازیں بھی کئی لڑکے، لڑکیاں غرق ہوگئی تھیں جس کے بعد مندر کے حکام نے اس تالاب کے نہانے کے گھاٹوں کو احتیاطی اقدامات کے طورپر مقفل کردیاتھا۔