تلنگانہ: زیرتعمیر فلائی اوور کی دیوار سے بڑا ٹرک ٹکراگیا۔ تقریبا پانچ کلومیٹر تک ٹریفک جام

حیدرآباد: زیرتعمیر فلائی اوور کی دیوار سے بڑے ٹرک کے ٹکراجانے کے نتیجہ میں تلنگانہ کے ضلع نلگنڈہ کی نارکٹ پلی۔

ادنکی شاہراہ پر تقریبا پانچ کلومیٹر تک ٹریفک جام کی صورتحال پیدا ہوگئی۔

یہ ٹرک، مریال گوڑہ سے نارکٹ پلی کی سمت جارہا تھا جس کے ڈرائیور نے اس کا توازن کھودیا جس کے نتیجہ میں اس ٹرک نے ہفتہ کی صبح اندراگاندھی کے مجسمہ کے قریب زیرتعمیر فلائی اوورکی دیوار کو ٹکر دے دی جس کے نتیجہ میں بڑے پیمانہ پر ٹریفک جام ہوگئی۔

فلائی اوور کی دیوار کو ٹکر کی شدت کے نتیجہ میں کسی بھی قسم کا نقصان نہیں پہنچا۔

اس واقعہ میں کسی کی ہلاکت یا پھر کسی کے زخمی ہونے کی بھی کوئی اطلاع نہیں ملی ہے۔

اطلاع ملتے ہی پولیس وہاں پہنچ گئی جس نے اس بڑے ٹرک کو وہاں سے کافی جدوجہد کے بعد ہٹانے میں کامیابی حاصل کی۔