تلنگانہ: نالے سے نوجوان کی لاش برآمد

حیدرآباد: تلنگانہ کے کھمم ضلع کے ایرروپالم منڈل میں واقع وِدیا نگر گاؤں کے قریب سڑک کنارے ایک نالے سے نوجوان کی لاش برآمد ہوئی۔

پولیس کے مطابق متوفی کی شناخت 28 سالہ ناگرجو کے طور پر ہوئی ہے، جو اسی گاؤں سے تعلق رکھتا تھا۔ناگرجو کے باپ وینکٹیش نے سڑک کنارے نالے میں ایک لاش دیکھ کر فوری طور پر پولیس کو اطلاع دی۔

اطلاع ملتے ہی ایرروپالم پولیس موقع پر پہنچی، لاش کا معائنہ کیا اور مقامی افراد سے تفصیلات حاصل کیں۔

تاہم، موت کی اصل وجہ کا ابھی پتہ نہیں چل سکا ہے۔ پولیس نے مقدمہ درج کرتے ہوئے تحقیقات کا آغاز کر دیا ہے۔