وزیراعلی تلنگانہ کا ایکسائز کانسٹیبل سومیا کی موت پر اظہاردکھ

حیدرآباد: وزیراعلیٰ تلنگانہ اے ریونت ریڈی نے ایکسائز کانسٹیبل سومیا کی موت پر گہرے دکھ اور رنج کا اظہار کیا جو غیر قانونی گانجہ اسمگل کرنے والے گروہ کو پکڑنے کی کوشش کے دوران ان کی گاڑی کی ٹکرسے شدید زخمی ہوگئی تھیں۔

وزیراعلیٰ نے سومیا کی موت کو انتہائی تکلیف دہ قرار دیتے ہوئے پولیس حکام کو سخت ہدایت جاری کی کہ کہ اس واقعہ کے ذمہ داروں کو سخت سے سخت سزا دی جائے۔

انہوں نے یقین دلایا کہ حکومت اس مشکل گھڑی میں کانسٹیبل سومیا کے خاندان کے ساتھ کھڑی ہے اور انہیں ہر ممکن تعاون اور مدد فراہم کی جائے گی۔