تلنگانہ: ڈی سی اے کا چھاپہ، غیرقانونی دوائیں ضبط

حیدرآباد: ڈرگس کنٹرول ایڈمنسٹریشن(ڈی سی اے)، تلنگانہ نے ونپرتی ضلع کے جنگامائی پلی گاوں میں ایک کلینک پر چھاپہ مارا اور 1.5 لاکھ روپئے کی دوائیں ضبط کیں۔

یہ دوائیں غیر قانونی طور پر فروخت کے لیے رکھی گئی تھیں۔چھاپہ کے دوران، ڈی سی اے کی ٹیموں نے تقریباً 42 اقسام کی ادویات ضبط کیں جن میں اینٹی بائیوٹکس دوائیں شامل ہیں جو غیر قانونی طور پر فروخت کے لیے رکھی گئی تھیں۔

ڈی سی اے تلنگانہ ڈرگس اینڈ کاسمیٹکس ایکٹ کی دفعات کے مطابق ادویات کی ذخیرہ اندوزی اور فروخت کے لیے ڈرگ لائسنس جاری کرتا ہے۔

ڈرگ لائسنس کے بغیر دوائیں فروخت کرنے کے لیے ذخیرہ کرنا ڈرگ اینڈ کاسمیٹکس ایکٹ کے تحت قابل سزا جرم ہے، جس کی سزا پانچ سال تک ہے۔

عوام ڈرگس کنٹرول ایڈمنسٹریشن، تلنگانہ ٹول فری کے ذریعہ، رہائشی، تجارتی، یا صنعتی علاقوں میں دواوں سے متعلق کسی بھی مشتبہ مینوفیکچرنگ سرگرمی کی اطلاع دے سکتے ہیں، بشمول نشہ آور ادویات اور سائیکو ٹراپک مادوں کے ساتھ ساتھ ادویات سے متعلق غیر قانونی سرگرمیوں سے متعلق کسی بھی دوسری شکایت کی اطلاع فون نمبر1800-599-6969 دی جاسکتی ہے۔