منشیات کے عادی افرادکا پولیس ملازمین پر حملہ

حیدرآباد: تلنگانہ کے راجنا سرسلہ ضلع کے ویمل واڑہ میں کل شب منشیات کا استعمال کرنے والوں نے ہنگامہ آرائی کی۔

پولیس معمول کے مطابق گاڑیوں کی تلاشی کاکام کررہی تھی کہ وہاں سے چندورتی منڈل مستقر سے تعلق رکھنے والے منشیات کے عادی افراد بائیک پر آتے ہوئے پکڑے گئے۔

اس موقع پر ان کا ٹریفک ایس آئی سے بحث وتکرارہوگئی جو گاڑیوں کی تلاشی کا کام کررہا تھا۔

ان منشیات کے عادی افرادنے پولیس کی گاڑی کو نقصان پہنچایا۔

انہوں نے ان کور وکنے کی کوشش کرنے والے دو کانسٹیبلس پر بھی حملہ کردیا۔

پولیس نے ان پر کافی مشکل سے قابو پایااور حراست میں لے کر ان کو پولیس اسٹیشن منتقل کردیا۔

ان افرادنے پولیس اسٹیشن میں بھی ہنگامہ آرائی جاری رکھی اورپولیس ملازمین پر حملہ کیا جس پر ان کے خلاف معاملہ درج کرکے جانچ شرو ع کردی گئی۔