تلنگانہ انتخابات:کمشنر پولیس حیدرآباد نے اچانک نامپلی پولیس اسٹیشن کا معائنہ کیا

حیدرآباد: تلنگانہ میں اسمبلی انتخابات کے پیش نظر پولیس کی جانب سے سخت چوکسی اختیار کی جارہی ہے۔

اسی کے حصہ کے طورپر کمشنر پولیس حیدرآباد سندیپ شنڈالیہ نے شہرحیدرآباد کے نامپلی پولیس اسٹیشن کا کل شب اچانک معائنہ کیا۔

اس موقع پر میڈیا سے بات کرتے ہوئے انہوں نے کہاکہ جمہوریت میں انتخابات جشن ہے جو ہر پانچ سال میں ایک مرتبہ آتا ہے۔

ہر شہری کو چاہئے کہ وہ اس جشن کوخوشی سے منائے۔انہوں نے زوردیتے ہوئے کہاکہ قانون کی خلاف ورزی کرنے والوں کیلئے سزا کویقینی بنایاجائے گا۔

انہوں نے کہاکہ دکانات کو وقت مقررہ پر ہی بند کردیاجائے۔