تلنگانہ انتخابات:شراب کی دکانات بند

حیدرآباد: تلنگانہ اسمبلی کے انتخابات کے پیش نظر ریاست میں شراب کی دکانیں، بار اور کلبس آج شام 5 بجے سے تین دن کے لیے بند رہیں گے۔

تلنگانہ میں جمعرات کے دن ہونے والے اسمبلی انتخابات سے قبل ریاست کی تمام شراب کی دکانوں، بار اور کلبس کو مکمل طور پر بند کرنے کے احکامات جاری کئے گئے ہیں۔

احکامات کی خلاف ورزی کرنے پر بھاری جرمانے کا سامنا کرناپڑ سکتا ہے۔

کئی پولیس کمشنریٹس میں آج شام 5 بجے سے دفعہ 144 نافذ ہو جائے گی۔