تلنگانہ: سرکاری ملازمت نہ ملنے پردل برداشتہ انجینئرنگ گریجویٹ کی خودکشی

حیدرآباد: تلنگانہ کے ضلع ہنمکنڈہ میں سرکاری ملازمت نہ ملنے پر ایک طالبہ نے خودکشی کرلی۔ضلع کے
پیڈا کودے پکا گاؤں میں ایک 24 سالہ انجینئرنگ گریجویٹ لڑکی نے جمعہ کی شب یہ انتہایی اقدام کیا۔

پولیس کے مطابق پرتیوشا، جو یومیہ اجرت پر کام کرنے والے مزدوروں رمیش اور سنیتا کی چھوٹی بیٹی تھی، نے اپنے کمرے میں پھانسی لے لی۔ ہفتہ کی صبح اس کے والدین نے اسے چھت سے لٹکا ہوا پایا۔

اس طالبہ نے 2023 میں بی ٹیک مکمل کیا تھا اور وہ مسابقتی امتحانات کی تیاری کر رہی تھی۔ بتایا گیا ہے کہ وہ کئی امتحانات میں معمولی نمبر سے ناکام ہونے پر مایوس ہو چکی تھی۔

اس واقعہ پر اس کے باپ رمیش کی شکایت پر مقدمہ درج کر لیا گیا ہے، اور پولیس جانچ کر رہی ہے۔