تلنگانہ: قرض کے بوجھ کے سبب کسان کی خودکشی کرلی

حیدرآباد: تلنگانہ کے ضلع کریم نگر میں قرض کے بوجھ کے سبب کسان نے خودکشی کرلی۔اس کی شناخت سریسیڈو گاؤں کے رہنے والے وی مدھو کے طورپر کی گئی ہے۔

مدھو، جس نے 30 مارچ کو خودکشی کی کوشش کی تھی، کل رات علاج کے دوران چل بسا۔مقامی افراد کے مطابق مدھو پچھلے تین سالوں سے تین ایکڑ اراضی پردھان کی کاشت کر رہا تھا تاہم، مناسب پیداوار نہ ملنے کی وجہ سے اسے 2 لاکھ روپے کا نقصان ہوا۔

قرض ادا نہ کر پانے کے باعث اس نے 30 مارچ کو کیڑے ماردوا پی کر خودکشی کی کوشش کی جس پر اس کو ورنگل کے ایم جی ایم اسپتال منتقل کیاگیا جہاں کل رات علاج کے دوران اس کی موت واقع ہوگئی۔