گروپ 1امتحان،جنرل رینکنگ لسٹ کو منسوخ کرنے تلنگانہ ہائی کورٹ کی ہدایت

حیدرآباد: تلنگانہ ہائی کورٹ نے گروپ-1 کے سلسلہ میں اہم فیصلہ صادر کیا ہے۔ عدالت نے ہدایت دی ہے کہ پہلے سے جاری کی گئی جنرل رینکنگ لسٹ کو منسوخ کیا جائے۔

ساتھ ہی ہائی کورٹ نے حکم دیا کہ مینس امتحان کے پرچوں کی دوبارہ جانچ کی جائے اور اس کے بعد ہی مینس کے نتائج جاری کئے جائیں۔

اگر دوبارہ جانچ ممکن نہ ہو تو دوبارہ امتحانات کروانے کے لئے ٹی جی پی ایس سی کو ہدایات دی گئی ہے۔جسٹس راجیشور راو کی زیرقیادت بنچ نے اس معاملہ کی 7 جولائی کو حتمی سماعت کی اور فیصلہ محفوظ رکھ دیاتھا۔

واضح رہے کہ اپریل میں ٹی جی پی ایس سی نے گروپ-1 مینس کے نتائج کا اعلان کیا تھا۔ کچھ امیدواروں نے دعویٰ کیا کہ مینس کے پرچوں کی جانچ میں بے ضابطگیاں ہوئی ہیں

جس کے بعد انہوں نے امتحانات منسوخ کرنے کے لئے اس معاملہ کو ہائی کورٹ سے رجوع کیا تھا۔ سماعت کے بعد عدالت نے جنرل رینکنگ لسٹ کو منسوخ کرنے کا حکم دیا ہے۔