ملک بھر میں تلنگانہ واحد فلاحی ریاست: ہریش راؤ

حیدرآباد: ریاستی وزیر فینانس ٹی ہریش راؤ نے کہا کہ تلنگانہ ملک بھر میں واحد فلاحی ریاست ہے، آج ضلع سنگاریڈی کے پٹھان چیرو میں اراضی امکنہ کی تقسیم کے پروگرام میں شرکت کے بعد خطاب کرتے ہوئے انہوں نے کہا کہ چیف منسٹر کے چندر شیکھر راو کی دوراندیش قیادت میں مشن بھگیرتا کے تحت ریاست بھر میں گھر گھر پینے کا صاف پانی سربراہ کیا جارہا ہے۔

 اس کے علاوہ غریب عوام کو باعزت پروقار زندگی بسر کرنے کے خاطر ملک میں پہلی بار ڈبل بیڈروم مکانات کی تقسیم عمل میں لائی جارہی ہے۔ صرف پٹھان چیرو میں جی او نمبر58 کے تحت830 افراد میں اراضی کے پٹہ ج ات حوالہ کئے گئے ہیں۔

 پٹھان چیرو میں 13بستی دواخانے تعمیر کئے گئے تاکہ غریب عوام کو بغیر کسی خرچ پر معیاری طبی سہولتیں میسر رہیں۔ انہوں نے عوام سے بی آر ایس کا ساتھ دینے کی اپیل کی۔ اس موقع پر رکن پارلیمنٹ میدک کے پربھاکر ریڈی، رکن اسمبلی جی مہیپال ریڈی و دیگر موجود تھے۔