تلنگانہ: جے باپو، جے بھیم پروگرام،مہیش کمارگوڑکی شرکت

حیدرآباد: تلنگانہ کے شادنگر میں جے باپوجے بھیم پروگرام ہوا جس میں تلنگانہ پردیش کانگریس کمیٹی (ٹی پی سی سی) کے صدر مہیش کمار گوڑ مہمان خصوصی کے طور پر شریک ہوئے۔

یہ تقریب رکن اسمبلی شنکر کی سرپرستی میں منعقد ہوئی، جس میں عوامی نمائندوں، کانگریس لیڈران اور کارکنوں نے جوش و خروش کے ساتھ حصہ لیا۔

اس موقع پر کانگریس صدر مہیش گوڑکا پرتپاک خیرمقدم کیا گیا۔پروگرام کے دوران ”جے باپو، جے بھیم” کے نعرے گونجتے رہے اور لیڈروں نے مہاتما گاندھی اور ڈاکٹر بی آر امبیڈکر کی خدمات کو خراج عقیدت پیش کیا۔

اس تقریب کا مقصد سماجی انصاف، مساوات اور سیکولر اقدار کے فروغ کے لئے عوامی شعور کو اجاگر کرنا تھا۔