تلنگانہ:ضلع آصف آبادمیں شیروں کی سرگرمیوں میں اضافہ، محتاط رہنے عوام کو مشورہ

حیدرآباد: تلنگانہ کے آصف آباد ضلع کے تاڈوبا اورتپیشور نیشنل پارک سے ضلع میں شیروں کی سرگرمیوں میں اضافہ کے پیش نظر عوام کو محتاط رہنے کی ہدایت دی گئی ہے۔

ضلع کے فاریسٹ آفیسر نیرج کمار نے بتایا کہ سرپور حلقہ کے داہیگام علاقہ سرپور کے اٹکل پہاڑ، آصف آباد حلقہ کے ریبن علاقہ اور دیگر علاقوں میں شیروں کی موجودگی میں اضافہ ہوا ہے۔

انہوں نے کہا کہ جنگلاتی عملہ شیروں کی نشاندہی اور نگرانی کے لئے مسلسل کام کر رہا ہے۔ مویشی چروانے والوں، کسانوں، مزدوروں اورمقامی افراد کو مشورہ دیاگیا ہے کہ وہ شیروں سے محتاط رہیں۔

فاریسٹ آفیسرنے مزید بتایا کہ سردیوں کے موسم میں شیروں کی سرگرمیاں بڑھ جاتی ہیں، اس لیے عوام اور کسانوں کو زیادہ چوکس رہنا چاہیے۔