تلنگانہ: آن لائن گیمس میں رقم کی محرومی۔ایک شخص کی خودکشی

حیدرآباد: تلنگانہ کے ضلع میدک میں ایک شخص نے خودکشی کرلی جو آن لائن گیمس میں رقم سے محروم ہوگیا تھا۔

تفصیلات کے مطابق ضلع کے واڈیرام گاؤں کا رہنے والا 33سالہ کوڈی نریش آن لائن گیمس کا عادی تھا۔

اس لت کی وجہ سے وہ مقروض ہوگیا۔قرض واپسی کیلئے اصرار پر اس نے تیز رفتار ٹرین کے سامنے کود کرخودکشی کرلی۔

اطلاع ملتے ہی ریلوے پولیس وہاں پہنچی جس نے لاش کو پوسٹ مارٹم کے لئے بھیج دیا۔

ریلوے پولیس نے اس سلسلہ میں ایک معاملہ درج کرکے جانچ شروع کردی۔