تلنگانہ: ذہنی طورپرمثاثرہ شخص نے حالت نشہ میں ضعیف والدین کوہلاک کردیا

حیدرآباد: ایک چونکادینے والے واقعہ میں ایک ذہنی طورپرمثاثرہ شخص نے حالت نشہ میں اپنے ضعیف والدین کوہلاک کردیا۔یہ واقعہ تلنگانہ کے میڑچل ملکاجگری ضلع کے نریڈمیٹ میں پیش آیا۔

اس شخص کی شناخت سرینو کے طورپرکی گئی ہے جو اپنے والدین راجیا اور لکشمی کے ساتھ مقیم تھا۔اس نے کل شب لاٹھیوں سے ان دونوں پرحملہ کرتے ہوئے ان کوہلاک کردیا۔

پولیس کے مطابق سرینواس کا علاج ایراگڈہ کے سرکاری منٹل ہیلت سنٹرمیں گزشتہ چند ماہ سے جاری تھا۔ایک ماہ پہلے اس کے والدین نے اس کو گھرواپس لایا۔

اتوار کی شب اس نے حالت نشہ میں اپنے والدین پرحملہ کرتے ہوئے ان کو ہلاک کردیا۔اطلاع ملتے ہی نریڈمیٹ پولیس وہاں پہنچی جس نے جانچ شروع کردی۔پولیس، سرینواس کو پکڑنے کی کوشش کررہی ہے جو مفرور بتایاگیاہے۔