تلنگانہ: سڑک حادثہ میں ماں اوربیٹاہلاک

حیدرآباد: تلنگانہ کے کھمم ضلع میں پیش آئے سڑک حادثہ میں ماں اوربیٹاہلاک ہوگئے۔

یہ حادثہ ضلع کے بدومپاڈو علاقہ میں اُس وقت پیش آیا جب سڑک کے کنارے منجل خریدنے کے دوران اچانک تیزرفتارکارنے ان کو ٹکر دے دی۔

اس حادثہ میں جستی پلی سے تعلق رکھنے والی 38 سالہ شاردا اور ان کا 13 سالہ بیٹاکارتک موقع پر ہی ہلاک ہو گئے۔

اس حادثہ میں زخمی باپ کو فوری طور پر اسپتال منتقل کیا گیا۔حادثہ کے بعد کار ڈرائیور موقع سے فرار ہو گیا۔

پولیس نے مقدمہ درج کرتے ہوئے تحقیقات شروع کر دی۔ عینی شاہدین کے مطابق کار بے قابو ہو کر راہگیروں سے ٹکراگئی۔