تلنگانہ: آن لائن بٹنگ کی لت، مقروض نوجوان کی خودکشی

حیدرآباد: آن لائن بٹنگ کئی افراد کی جان لے رہی ہے۔ پولیس کے متعدد مرتبہ خبردار کرنے کے باوجود بعض نوجوان لالچ میں آکر بٹنگ میں ملوث ہورہے ہیں۔

تازہ ترین واقعہ تلنگانہ کے میدک ضلع میں پیش آیا جہاں ایک نوجوان آن لائن بٹنگ میں ملوث ہوکر قرض کے جال میں پھنس گیا اور خودکشی کرلی۔

پولیس کے مطابق، میدک ٹاؤن سے تعلق رکھنے والا 29 سالہ دلیپ کمار، جو پیشے سے ایک پینٹر تھا، آن لائن بٹنگ کا عادی بن چکا تھا۔

اس نے بیٹنگ میں تقریباً دو لاکھ روپے گنوا دیئے اور ساتھ ہی قرض بھی بڑھ گیا۔ قرض ادا کرنے میں ناکامی پر اس نے خودکشی کا فیصلہ کیا۔

دلیپ نے گوسمودرم تالاب میں کود کر جان دے دی۔ مقامی افراد کی اطلاع پر پولیس نے اس کی لاش برآمد کی، کیس درج کرکے تحقیقات شروع کر دی گئی ہیں۔