تلنگانہ:سڑک حادثہ میں ہلاک شخص کی لاش کے ساتھ احتجاج

حیدرآباد: تلنگانہ کے جنگاوں میں پیش آئے سڑک حادثہ میں ایک شخص ہلاک ہوگیاجس کے بعد مہلوک کے رشتہ داروں نے قومی شاہراہ پر اس کی لاش کے ساتھ احتجاج کیا۔

یہ حادثہ ضلع کے چنا پنڈیال کی ورنگل۔حیدرآباد قومی شاہراہ پر اُس وقت پیش آیا جب ٹپرلاری کے ڈرائیور نے اس کا توازن کھودیا اور یہ ٹپر بائیک سے ٹکراگئی۔

اس حادثہ میں بائیک سوار ہلاک ہوگیا۔مہلوک کی شناخت رادھارم گاوں سے تعلق رکھنے والے چیرال کے طورپر کی گئی ہے۔

اس کے رشتہ داروں نے انصاف کا مطالبہ کرتے ہوئے لاش کے ساتھ قومی شاہراہ پر دھرنا دیاجس کے نتیجہ میں قومی شاہراہ پر بڑے پیمانہ پرٹریفک جام ہوگئی اور کچھ دیر کے لئے کشیدگی پھیل گئی۔