تلنگانہ:ضلع کاماریڈی میں سڑک حادثہ۔دو افرادہلاک

حیدرآباد: تلنگانہ کے ضلع کاماریڈی میں پیش آئے سڑک حادثہ میں دو افرادہلاک اورایک شخص شدید زخمی ہوگیا۔

یہ حادثہ ضلع کے جنگم پلی کے قریب کل شب اُس وقت پیش آیا جب ایک بائیک نے سائیکل کو ٹکر دے دی۔حادثہ اتنا شدید تھا کہ دو افرادموقع پر ہی ہلاک ہوگئے۔

اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرلیا۔

مہلوکین کی شناخت 43سالہ وینکٹیش اوربائیک سوار 25سالہ نکھل ریڈی کے طورپر کی گئی ہے جبکہ بائیک کی عقبی نشست پرسوار شخص سومنت شدید زخمی ہوگیاجس کوعلاج کے لئے اسپتال منتقل کیاگیا۔

اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔