تلنگانہ: کوداڑ میں دو کاریں بہہ گئیں۔ ایک شخص ہلاک
گزشتہ دو دنوں سے ہو رہی موسلادھار بارش کی وجہ سے سوریاپیٹ کے کوداڑٹاون کے کئی علاقوں میں پانی جمع ہوگیا۔
![تلنگانہ: کوداڑ میں دو کاریں بہہ گئیں۔ ایک شخص ہلاک](https://urdu.munsifdaily.com/wp-content/uploads/2024/09/RAIN-15.jpg)
حیدرآباد: گزشتہ دو دنوں سے ہو رہی موسلادھار بارش کی وجہ سے سوریاپیٹ کے کوداڑٹاون کے کئی علاقوں میں پانی جمع ہوگیا۔
کوداڑ سے حضورنگر تک سڑک پر پانی بڑے پیمانہ پر جمع ہوگیا۔ سڑک پر موجود دو کاریں اور ایک موٹر سائیکل پانی میں بہہ گئے۔ ایک کار میں سوار ایک شخص کی موت ہوگئی جس کی شناخت این روی کے طورپر کی گئی ہے۔
اس دوران کئی گاڑیوں میں سوار مسافروں کو پولیس اور مقامی افرادنے مل کر بچایا۔ کوڈداڑ، گاندھی نگر، آزاد نگر، امبیڈکر نگر کالونی اور سری رنگا پورم کالونی کے گھروں میں پانی داخل ہوگیا۔
کئی مواضعات میں بجلی کی سپلائی متاثرہوئی۔ اس دوران سوریا پیٹ کے ضلع کلکٹر نے کوداڑکے نشیبی علاقوں کا معائنہ کیا۔ نشیبی علاقوں میں مکانات خالی کروائے جا رہے ہیں۔ سیلاب زدہ علاقوں کی نگرانی خود کلکٹر نے کی۔
کلکٹر نے کہا کہ اگر ایسی کوئی پریشانی ہو تو بھی ٹول فری نمبر پر کال کرنی چاہئے۔ انہوں نے کہا کہ اب تک مختلف علاقوں سے 38 کالس موصول ہوئی ہیں۔