تلنگانہ: نامعلوم خاتون ٹرین حادثہ میں ہلاک

حیدرآباد: تلنگانہ کے ضلع پداپلی منڈل کے کوتاپلی گاؤں میں ایک دلخراش واقعہ پیش آیا جہاں ایک نامعلوم خاتون ایکسپریس ٹرین کی زد میں آکر ہلاک ہو گئی۔ ریلوے ہیڈ کانسٹیبل تروپتی کے مطابق مہلوک خاتون کی عمر تقریباً 55 تا 60 سال کے درمیان ہے۔

یہ واقعہ کوتاپلی ریلوے گیٹ کے قریب پیش آیا، جہاں خاتون پٹریاں عبور کرنے کی کوشش کر رہی تھیں۔ اسی اثنا میں ایک ایکسپریس ٹرین نے تیزی سے آتی ہوئی اسے ٹکر مار دی جس کے باعث وہ ہلاک ہو گئی۔

ریلوے حکام کے مطابق خاتون کے پاس سے کسی قسم کی شناختی دستاویز یا ذاتی اشیاء برآمد نہیں ہوئیں۔