تلنگانہ: ناگرجناساگر اورسری سیلم ڈیم کے پانی کے بہاو میں اضافہ

حیدرآباد: مسلسل بارش کے باعث بھاری تلنگانہ کے ناگرجناساگرپراجکٹ کے پانی کے بہاومیں اضافہ درج کیاگیا ہے۔

پراجکٹ میں اس وقت 75 ہزار کیوسک سے زائد پانی آ رہا ہے، جس سے آبی سطح بڑھ کر 310.85 ٹی ایم سی تک پہنچ گیی ہے ، جب کہ اس کی مکمل گنجائش 312 ٹی ایم سی ہے۔

پراجکٹ میں مجموعی طور پر 356 ٹی ایم سی پانی آ چکا ہے۔ تلنگانہ اور آندھرا پردیش دونوں ریاستیں بالترتیب این ایس پی کی بائیں نہر اور دائیں نہر کے تحت وسیع زرعی اراضی کو سیراب کرنے کے لیے پانی حاصل کر رہی ہیں۔

دوسری طرف سری سیلم ڈیم میں 2,23,802 کیوسک بہاو درج کیاگیا ہے، اس کے دو دروازے کھول کر 66,123 کیوسک پانی چھوڑا جا رہا ہے۔ ڈیم کا موجودہ سطح آب 883 فٹ ہے، جومکمل سطح آب 885 فٹ سے محض دو فٹ کم ہے۔

اس وقت پراجکٹ کی سطح 204.78 ٹی ایم سی ہے، جب کہ مکمل گنجائش 215.80 ٹی ایم سی ہے۔ اس موسم میں مجموعی طورپر پانی کا بہاو 644 ٹی ایم سی تک پہنچ گئی ہے، جس پر حکام نے اس پراجکٹ میں مچھلی پکڑنے سے گریز کی ہدایت دی ہے۔

دائیں اور بائیں دونوں پاور اسٹیشنس میں بجلی کی پیداوار جاری ہے۔