تلنگانہ
تلنگانہ: نوجوان کنویں میں گر کر ہلاک
مہلوک کی شناخت 19 سالہ بالو نائیک کے طور پر ہوئی ہے، جو کِیشوراؤ پلی کے قریب واقع دماموبنڈا تانڈہ کا رہنے والا تھا۔ وہ پچھلے دو برسوں سے اپنی نانی کے گاؤں سترون پلی تندا میں مزدوری کر کے گزر بسر کر رہا تھا۔
حیدرآباد: تلنگانہ کے وقارآباد ضلع کے سترون پلی گاؤں کے قریب ایک افسوسناک حادثہ پیش آیا، جس میں ایک نوجوان کنویں میں گر کر ہلاک ہو گیا۔
مہلوک کی شناخت 19 سالہ بالو نائیک کے طور پر ہوئی ہے، جو کِیشوراؤ پلی کے قریب واقع دماموبنڈا تانڈہ کا رہنے والا تھا۔ وہ پچھلے دو برسوں سے اپنی نانی کے گاؤں سترون پلی تندا میں مزدوری کر کے گزر بسر کر رہا تھا۔
حسبِ معمول مزدوری کے دوران وہ پانی بھرنے کے لیے کنویں میں اُترا، مگر تیرنا نہ آنے کی وجہ سے حادثاتی طور پر پانی میں غرق ہوگیا۔
آس پاس موجود لوگ جب تک کچھ کر پاتے، وہ ہلاک ہوگیا۔پولیس اطلاع ملنے پر موقع پر پہنچی اور لاش کو باہر نکالا۔
سب انسپکٹر وکرم کے مطابق، اس کے باپ بھیملا نائیک کی شکایت پر مقدمہ درج کر کے جانچ شروع کر دی گئی ہے۔
ہمیں فالو کریں
