حیدرآباد

راہول کی بھارت جوڑو نیائے یاترا میں چیف منسٹر شرکت کریں گے

دہلی میں قیام کے دوران ریڈی، پارٹی کی مرکزی قیادت سے کونسل کی2 نشستوں کیلئے29 جنوری کو منعقد شدنی ضمنی انتخابات کیلئے پارٹی امیدواروں کی نامزدگی کے معاملہ پر بات چیت کریں گے۔

حیدرآباد: تلنگانہ کے چیف منسٹر اے ریونت ریڈی جو فی الوقت ملک کے صدر مقام دہلی میں ہیں، توقع ہے کہ کانگریس قائد راہول گاندھی کی بھارت جوڑو نیائے یاترا میں شامل ہوں گے۔ اس یاترا کا 14جنوری کو منی پور سے آغاز ہوگا۔ سرکاری ذرائع کے مطابق چیف منسٹر ریونت ریڈی نے کانگریس کی سینئر قائد سونیا گاندھی سے ملاقات کی۔

متعلقہ خبریں
زمین کے مسائل کا حل اب ایک کلک پر: بھو بھارتی پورٹل کی رونمائی جلد
مدینہ ہائی اسکول میں انویسٹیچر تقریب، ڈاکٹر مصطفیٰ ہاشمی نے طلبہ کو کتابوں سے رشتہ جوڑنے کا مشورہ دیا
اردو ہال حمایت نگر میں آج اور کل قومی سمینار  – "حسرت موہانی” پر مقالوں کی پیشکشی
محبوب نگر: اقلیتی تعلیم یافتہ نوجوانوں کے لیے چار ماہہ مفت فاؤنڈیشن کورس کی آخری تاریخ میں توسیع
حیدرآباد: "اجالوں کے شجر” کی رسمِ اجرا، خادم رسول عینی کی نعتیہ شاعری کو خراجِ تحسین

ریڈی، اتوار کی صبح دہلی سے منی پور روانہ ہوں گے۔ جہاں وہ راہول کی بھارت جوڑو نیائے یاترا میں شرکت کریں گے اور شام میں دوبارہ دہلی واپس ہوں گے جہاں سے وہ عالمی اکنامک فورم سمٹ میں شرکت کے لئے ڈاؤس روانہ ہوں گے۔

 دہلی میں قیام کے دوران ریڈی، پارٹی کی مرکزی قیادت سے کونسل کی2 نشستوں کیلئے29 جنوری کو منعقد شدنی ضمنی انتخابات کیلئے پارٹی امیدواروں کی نامزدگی کے معاملہ پر بات چیت کریں گے۔

ڈاؤس میں منعقد شدنی عالمی معاشی فورم سمٹ میں چیف منسٹر کے ساتھ وزیر آائی ٹی ڈی سریدھر بابو اور دیگر سینئر عہدیدار رہیں گے، وہ، مختلف صنعت کاروں سے ملاقات کریں گے۔ اور ان سے تلنگانہ میں سرمایہ کاری کی ترغیب دیں گے۔