کانگریس پارٹی 7 دسمبر تک ذات کی بنیاد پر مردم شماری مکمل کرنے کا ارادہ رکھتی ہے: مہیش کمار گوڈ
اگر ان میں ہمت ہے تو ہریش راؤ کو استعفیٰ دے کر ہم سے بات کریں - پھر ہم حقیقت کیا ہے انہیں دیکھیں گے۔
حیدرآباد: ٹی پی سی سی کے صدر مہیش کمار گوڈ نے تصدیق کی کہ کانگریس پارٹی 7 دسمبر تک مکمل طور پر ذات کی بنیاد پر غیر جانبدارانہ مردم شماری مکمل کرنے کا ارادہ رکھتی ہے۔
گاندھی بھون میں میڈیا سے بات کرتے ہوئے مہیش کمار گوڑ نے پچھلی حکومت کے مبینہ عوام مخالف کارروائیوں پر تنقید کی انہوں نے رکن کونسل تین مار مالنا کے ہریش راؤ کو دیے گئے حالیہ چیلنج کا حوالہ دیتے ہوۓ کہا کہ ہریش راو جو چلنجس قبول کرنے میں ماہر ہیں کو تین مار مالنا کا چلینج قبول کرتے ہوۓ استعفیٰ دے دینا چائیے۔
اگر ان میں ہمت ہے تو ہریش راؤ کو استعفیٰ دے کر ہم سے بات کریں – پھر ہم حقیقت کیا ہے انہیں دیکھیں گے۔
مہیش کمار گوڈ نے اعلان کیا کہ ضلع کانگریس کے صدور اور سیول سوسائٹی کے لیڈروں کے ساتھ 2 نومبر کو ایک میٹنگ کی جائے گی، جس کے بعد 5 یا 6 نومبر کو ریاست بھر کے نمائندوں کے ساتھ ذات پات کی مردم شماری کے مسائل کو حل کرنے کے لیے ایک وسیع میٹنگ ہوگی۔
مردم شماری کی اہمیت پر زور دیتے ہوئے، انہوں نے کہا راہول گاندھی نے ہر کمیونٹی کی موجودگی کے تناسب سے نمائندگی کی وکالت کرتے ہوۓ، قوم کے لیے ایک وژن کو آگے بڑھایا ہے۔
انہوں نے مزید کہا کہ یہ اجتماع راہول گاندھی کے وژن کے تئیں کانگریس کی وابستگی کی عکاسی کرتا ہے، جس کا مقصد تلنگانہ کو منصفانہ نمائندگی اور سماجی انصاف کے ماڈل میں تبدیل کرنا ہے۔
