حیدرآباد
تلنگانہ کے سرکاری ملازمین کے ڈی اے کی اجرائی کی الیکشن کمیشن نے اجازت دے دی
حکومت اور الیکشن کمیشن کے عہدیداروں کے درمیان بات چیت بھی ہوئی تھی۔ الیکشن کمیشن نے حکومت سے پوچھا کہ ڈی اے کی اجرائی میں کیوں تاخیر ہوئی، اب تک کیوں ڈی اے جاری نہیں کیا گیا۔
حیدرآباد: تلنگانہ کے سرکاری ملازمین کے ڈی اے کی اجرائی کی الیکشن کمیشن نے اجازت دے دی ہے۔ ملازمین کے تین ڈی اے زیر التوا تھے۔ ایک ڈی اے جاری کرنے کی اجازت دینے کی ریاستی حکومت نے کمیشن سے خواہش کی تھی۔
اس سلسلے میں حکومت اور الیکشن کمیشن کے عہدیداروں کے درمیان بات چیت بھی ہوئی تھی۔ الیکشن کمیشن نے حکومت سے پوچھا کہ ڈی اے کی اجرائی میں کیوں تاخیر ہوئی، اب تک کیوں ڈی اے جاری نہیں کیا گیا۔
ڈی اے کی اجرائی کے لیے ملازمین کی تنظیموں نے چیف الیکٹورل آفیسر کے ذریعہ مرکزی الیکشن کمیشن سے نمائندگی بھی کی تھی۔ انتخابات ہونے کے بعد ڈی اے کی اجرائی کی کمیشن نے اجازت دے دی اور کہا کہ اسے ایک ڈی اے کی اجرائی پر اعتراض نہیں ہے۔
ہمیں فالو کریں
