دنیا کا پہلا ملک جہاں پٹرول گاڑیوں کا خاتمہ ہونے والا ہے

لندن: ناروے دنیا کا پہلا ملک بننے کے قریب ہے جہاں پٹرول پر چلنے والی گاڑیوں کا استعمال ختم ہو جائے گا۔

اس وقت ناروے میں 28 لاکھ گاڑیوں میں سے 7 لاکھ 54 ہزار 302 بجلی پر چلتی ہیں، جبکہ پٹرول پر چلنے والی گاڑیوں کی تعداد 7 لاکھ 53 ہزار 905 ہے۔

ڈیزل گاڑیوں کی تعداد 10 لاکھ کے قریب ہے، لیکن ان کی فروخت میں تیزی سے کمی آرہی ہے۔

نارویجن روڈ فیڈریشن نے اسے تاریخی لمحہ قرار دیتے ہوئے کہا کہ یہ سنگ میل 10 سال سے بھی کم عرصے میں حاصل ہوا۔

الیکٹرک گاڑیوں کی فروخت میں اضافے کے ساتھ، اگست 2024 میں ناروے میں رجسٹرڈ ہونے والی 94.3 فیصد گاڑیاں الیکٹرک تھیں۔ حکومت کی جانب سے الیکٹرک گاڑیوں پر ٹیکسوں میں بڑی چھوٹ دی جا رہی ہے۔