حکومت، عوام کو معیاری طبی سہولتیں فراہم کرنے کی پابند

حیدرآباد (منصف نیوز بیورو) وزیر صحت دامودر راج نرسمہا نے کہا کہ کانگریس حکومت تمام طبقات کو مفت اور معیاری صحت کی دیکھ بھال فراہم کرنے کے لیے پرعزم ہے۔

وزیر صحت نے کہا کہ حکومت کا ہدف تلنگانہ کے ہر شہری کو مفت اور معیاری صحت کی سہولت فراہم کرنا ہے۔

انہوں نے مزید کہا کہ ضلعی ہسپتالوں میں ڈاکٹرس مریضوں کا 90 فیصد علاج فراہم کریں۔ جس سے مریضوں کو علاج کے لیے شہروں کا سفر کرنے سے پیسہ اور وقت کی بچت میں مدد ملے گی۔

انہوں نے بتایا کہ میدک 220 بستروں پر مشتمل ہسپتال، نرسنگ کالج اور پیرا میڈیکل کالج کی تعمیر اگلے تعلیمی سال تک مکمل کر لی جائے گی۔تلنگانہ کے وزیر صحت دامودر راج نرسمہا نے اپنے ایک بیان میں یہ بات بتائی۔