تلنگانہ کے قطب اللہ پور میں آگ لگنے کا واقعہ، چاردکانات جل کر خاکستر

حیدرآباد: تلنگانہ کے میڑچل ملکاجگری کے قطب اللہ پور علاقہ کی ایچ اے ایل راگھویندر کالونی میں آج صبح آگ لگنے کا واقعہ پیش آیا جس کے سبب چار دکانیں جل کر خاکستر ہوگئیں۔

اس واقعہ میں کوئی جانی نقصان نہیں ہوا، آگ لگنے کی وجہ تاحال معلوم نہیں ہو سکی۔

پولیس ذرائع نے بتایا کہ ایک دکان میں آگ بھڑک اٹھی اور جلد ہی آس پاس کے دیگر اسٹالز تک پھیل گئی۔

راہگیروں نے اس سلسلہ میں فائر ڈپارٹمنٹ اور پولیس کو چوکس کیا۔ فائر بریگیڈ کے عملہ نے موقع پر پہنچ کر ایک گھنٹے کی جدوجہد کے بعد آگ پر قابو پالیا۔