رجب المرجب کا چاند نظر آگیا، شب معراج اس ماہ کی کس تاریخ کو ہوگی

حیدرآباد: مرکزی رویت ہلال کمیٹی صدر مجلس علما دکن نے اعلان کیا کہ ماہ رجب المرجب کا چاند نظر آگیا ہے۔ اس کے مطابق شب معراج 27 جنوری بروز پیر کو منائی جائے گی۔

مرکزی رویت ہلال کمیٹی صدر مجلس علما دکن کا ماہانہ اجلاس رویت ہلال ماہ رجب المرجب 1446 کے سلسلے میں، حضرت مولانا سید حسن ابراہیم حسینی قادری سجاد پاشاہ معتمد صدر مجلس علما دکن کی نگرانی میں آج شام حسینی بلڈنگ، معظم جاہی مارکٹ میں منعقد ہوا۔

حیدرآباد کے کئی علاقوں میں بھی چاند نظر آنے کی اطلاع ملی ہے۔ تحت احکام شرعیہ، صدر مجلس علما دکن مرکزی رویت ہلال کمیٹی نے اعلان کیا کہ 2 جنوری 2025 کو یکم رجب المرجب ہوگی۔