تلنگانہ کے ضلع عادل آباد میں درجہ حرارت 8 ڈگری درج

حیدرآباد: تلنگانہ کے مختلف اضلاع میں درجہ حرارت میں روزبروزگراوٹ درج کی جارہی ہے۔متحدہ ضلع عادل آبادکے گِنے دھاری علاقہ میں اقل ترین درجہ حرارت8ڈگری سلسیس درج کیاگیا۔

سردی کی لہر میں اضافہ سے عوام کو مشکل صورتحال کاسامنا ہے۔دو دن پہلے آصف آباد میں درجہ حرارت 9ڈگری سلسیس درج کیاگیا۔

شمالی ہند سے آرہی سرد ہواوں کے نتیجہ میں متحدہ ضلع عادل آباد میں کہر کی شدید لہردیکھی جارہی ہے جس کے نتیجہ میں گاڑی سواروں کو مشکلات کا سامناکرناپڑرہا ہے اوروہ اپنی گاڑیوں کی ہیڈلائٹس کوکھولتے ہوئے گاڑیاں چلانے پر مجبور ہیں۔

قومی شاہراہ 44پر ہر جگہ کہر ہی کہر نظرآرہی ہے۔