تلنگانہ کے آصف آباد میں درجہ حرارت 5.9ڈگری درج

حیدرآباد: دونوں شہروں حیدرآبادوسکندرآباد میں سردی کی شدیدلہردیکھی جارہی ہے۔ریاستی دارالحکومت کے ساتھ ساتھ اضلاع میں بھی شدید سردی کی لہردرج کی گئی ہے۔

آصف آباد ضلع میں سرپور میں اقل ترین درجہ حرارت 5.9 ڈگری سیلسیس ریکارڈ کیا گیا اور اس کے بعد عادل آباد کے بیلہ میں درجہ حرارت 6.0 ڈگری سیلسیس رہا۔

حیدرآباد کے متعدد علاقوں میں گزشتہ 48 گھنٹوں میں واحد ہندسہ میں اقل ترین درجہ حرارت ریکارڈ کیا گیا، دونوں شہروں حیدرآباد وسکندرآباد میں بدھ کی صبح اقل ترین حرارت 10 ڈگری سیلسیس سے زیادہ تھا۔

تلنگانہ ڈیولپمنٹ پلاننگ سوسائٹی کے موسمی اعداد و شمار کی بنیاد پر منگل کی رات اور بدھ کی صبح کے درمیان حیدرآباد میں سب سے کم درجہ حرارت ریکارڈ کیا گیا، راجندر نگر میں 10.7 ڈگری سیلسیس درجہ حرارت درج کیاگیا۔

بی ایچ ای ایل میں 10.9 ڈگری سیلسیس اور حیدرآباد یونیورسٹی میں درجہ حرارت 11.1 ڈگری سیلسیس ریکارڈ کیا گیا۔