چور کے آنکھوں میں مرچ پاؤڈر ڈالر کر چوری کی کوشش کو ناکام بنادیاگیا
یہ واقعہ تلنگانہ کے ضلع کومرم بھیم آصف آباد کے ماروتی نگرمیں پیش آیا۔وشواناتھم اور اس کی بیوی ایشورما اپنی بیٹی جیوتی کے ساتھ رات کا کھانا کھا رہے تھے کہ رات 8 بجے کے قریب چور ان کے گھر میں داخل ہوا۔
حیدرآباد:مکان میں چوری کی غرض سے داخل شخص کی آنکھوں میں مرچ پاوڈرڈال کراس کی حرکت کو ناکام بنادیاگیا۔یہ واقعہ تلنگانہ کے ضلع کومرم بھیم آصف آباد کے ماروتی نگرمیں پیش آیا۔وشواناتھم اور اس کی بیوی ایشورما اپنی بیٹی جیوتی کے ساتھ رات کا کھانا کھا رہے تھے کہ رات 8 بجے کے قریب چور ان کے گھر میں داخل ہوا۔
اس جوڑے نے اس کو روکنے کی کوشش کی جو ہندی میں بات کر رہا تھا۔ اس شخص نے ان کی بیٹی جیوتی کو پکڑ لیا اور اس کے ساتھ تعاون نہ کرنے پر اسے جان سے مارنے کی دھمکی دی۔چور کی گرفت سے چھٹکارا پانے کی تگ و دو کرتے ہوئے، جیوتی نے قریب ہی ایک میز پر رکھا مرچی پاؤڈر اس کی آنکھوں میں چھڑک دیا۔
اس کے بعد اس نے مقامی پولیس کو فون کیا۔پولیس نے فوری طور پر اسی علاقہ میں گشت کرنے والے پولیس ملازمین کو چوکس کیا، جو خاتون کے گھر پہنچے اور اس شخص کو حراست میں لے لیا۔
چورکی شناخت اتر پردیش کے نندو کے طور پر ہوئی ہے۔ اس نے بتایا کہ نندو ذہنی طور پر ٹھیک نہیں تھا اور کافی عرصہ سے وہاں گھوم رہا تھا۔
