ظہیرآباد کی سبزی مارکٹ میں ٹماٹر کی چوری، ویڈیو وائرل

حیدرآباد: ٹماٹر کی چوری کی وارادت پیش آئی۔تلنگانہ کے ضلع سنگاریڈی کے ظہیرآباد کی سبزی مارکٹ میں یہ واقعہ پیش آیا۔ذرائع کے مطابق ایک کسان ٹماٹر فروخت کرنے کے لئے75کلو ٹماٹر کے باکس لے کر اس سبزی مارکٹ پہنچاتاہم بائیک پر سوار چورنے وہاں پہنچ کر اس کی چوری کرلی۔

یہ کسان کسی کام سے گیا ہوا تھا۔چوری کی اس واردات کا منظر وہاں لگے سی سی ٹی وی کیمرہ میں قیدہوگیا۔اس میں دکھایاگیا ہے کہ تین مرتبہ بائیک پر پہنچا یہ چور تین ٹماٹر کے تین باکس لے کر فرارہوگئے۔

اس نے اپنے سر پر ہیلمٹ پہن رکھی تھی تاہم اس کی شناخت نہ ہوسکے۔اس بات کی شکایت اس کسان نے پولیس سے کی جس کے بعد پولیس نے اس خصوص میں ایک معاملہ درج کرلیا۔یہ چوری ایک ایسے وقت ہوئی جب ٹماٹر کی قیمت تقریبا 150روپئے فی کلو ہوگئی ہے۔