تلنگانہ کے نظام آباد ضلع میں ایک شوروم میں چوری کی واردات

حیدرآباد: تلنگانہ کے نظام آباد ضلع کے بردی پور میں ایک شوروم میں چوری کی واردات پیش آئی۔

گزشتہ رات پیش آئی اس واردات میں چوروں نے شوروم کے پیچھے کے علاقہ سے اس میں داخل ہوکر 60 ہزار روپے اور 3 موبائل فونس کی چوری کرلی۔

ان چوروں نے لاکر کو وہاں سے لے جانے کی کوشش بھی کی تاہم اس کا وزن زیادہ ہونے کی وجہ سے اس کو کوڑے دان کی نذرکردیاگیا۔

واردات کا یہ منظر وہاں لگے سی سی ٹی وی کیمروں میں قید ہوگیا۔شوروم کے مالک کی شکایت کی بنیاد پرپولیس نے اس سلسلہ میں ایک معاملہ درج کرلیا۔پولیس نے سی سی ٹی وی فوٹیج کا معائنہ کیا تاکہ چوروں کا پتہ چلایاجاسکے۔