اے پی کے ضلع باپٹلہ میں سڑک حادثہ،تین نوجوان ہلاک

حیدرآباد: آندھراپردیش کے باپٹلہ ضلع میں پیش آئے سڑک حادثہ میں تین نوجوان ہلاک ہوگئے۔یہ حادثہ کل شام ضلع کی کونڈوبوٹلہ واری پالم علاقہ میں اُس وقت پیش آیا جب بائیک کو لاری نے ٹکر دے دی۔

اس حادثہ میں تین نوجوان موقع پرہی ہلاک ہوگئے۔مقامی افراد کی اطلاع پرپولیس وہاں پہنچی جس نے لاری کے ڈرائیور کو حراست میں لے لیااورلاشوں کو پوسٹ مارٹم کے لئے بھیج دیا۔پولیس نے اس سلسلہ میں ایک معاملہ درج کرکے جانچ شروع کردی۔