حیدرآباد۔وجے واڑہ نیشنل ہائی وے پر گاڑیوں کے لئے ٹول فیس میں کمی

حیدرآباد: حیدرآباد۔وجے واڑہ نیشنل ہائی وے پر سفر کرنے والی گاڑیوں کے لئے ٹول فیس میں کمی کا اعلان کیا گیا ہے، جو گذشتہ روزسے نافذ العمل ہوگیا۔

اس ہائی وے پر پتنگی، کورلہ پہاڑ اور آندھرا پردیش میں چلاکلوکے مقامات پر ٹول پلازہ ہیں۔ پتنگی ٹول پلازہ پر کاروں، جیپوں اور ویانس کے لئے ایک طرفہ سفر پر 15 روپے اور دونوں طرف کے لئے 30 روپے تک کی کمی کی گئی ہے۔

ہلکی کمرشل گاڑیوں کے لئے ایک طرفہ سفر پر 25 روپے اور دونوں طرف کے لئے 40 روپے کی کمی کی گئی ہے، جبکہ بسوں اور ٹرکوں کے لیے ایک طرفہ 50 اور دونوں طرف 75 روپے کم کئے گئے ہیں۔

24 گھنٹوں کے اندر واپسی سفر کرنے والی تمام گاڑیوں کو ٹول فیس میں 25 فیصد رعایت دی جائے گی۔ یہ کم شدہ ٹول فیس 31 مارچ 2026 تک نافذ العمل رہے گی۔