تمل ناڈو میں ایک ہی خاندان کے تین افراد کا قتل

چنئی: تمل ناڈو کے تروپور ضلع میں جمعرات کی رات دیر گئے المناک واقعہ میں ایک ہی خاندان کے تین افراد کا قتل کر دیا گیا۔

یہ واقعہ پونگلور-سیملائی کونڈمپلائم گاؤں میں اویناشیپالیم کے قریب پیش آیا اور قتل کے پیچھے کے مقصدکا پتہ لگایا جا رہا ہے۔

اطلاع ملنے پر پولیس موقع پر پہنچی اور لاشیں پوسٹ مارٹم کے لیے سرکاری اسپتال بھیج دی گئیں۔

مرنے والوں کی شناخت کسان جوڑے دیواسیگمانی، ان کی بیوی املاتھل اور ان کے بیٹے سینتھل کمار کے طور پر ہوئی ہے۔

یہ سبھی کوئمبٹور میں رہ رہے تھے، یہ سبھی ایک تقریب کے لیے اپنے آبائی گھر آئے تھے۔

پولیس معاملے کی تفتیش کررہی ہے۔