تلنگانہ کے ضلع میدک میں دو افراد کا قتل

حیدرآباد: تلنگانہ کے ضلع میدک میں پیش آئے علحدہ علحدہ واقعات میں دو افراد کا قتل کردیاگیا۔ضلع کے کلچارم منڈل کے پوتم شٹی پلی سب اسٹیشن میں خدمات انجام دینے والے آپریٹر کا نائٹ ڈیوٹی کے دوران قتل کردیاگیا۔

متقول کی شناخت 35سالہ نریش کے طورپر کی گئی ہے جس کو اس کے ساتھیوں نے خون میں لت پت پایا۔اس واقعہ سے علاقہ میں سنسنی پھیل گئی۔

پولیس نے اس سلسلہ میں ایک معاملہ درج کرکے جانچ شروع کردی۔دوسرے واقعہ میں ایک 28سالہ شخص کا قتل اُسیریکاپلی گاوں میں اس کے حریفوں نے کیا۔

اس کی شناخت ای وینکٹیش کے طورپر کی گئی ہے۔پولیس نے شبہ ظاہر کیا کہ ای نرسمہا کا اس میں ہاتھ ہے۔پولیس نے لاش کو پوسٹ مارٹم کیلئے بھیج دیا۔