تلنگانہ کے ضلع نلگنڈہ میں دوہزارسال قبل کے سکے مٹی کے گھڑے میں پائے گئے

حیدرآباد: تلنگانہ کے ضلع نلگنڈہ میں تقریبا دوہزارسال قبل کے سکے ایک مٹی کے گھڑے میں پائے گئے۔

گذشتہ روزضلع کے پانی گڑی گاوں میں محکمہ آثارقدیمہ کے عہدیداروں کی جانب سے کی گئی کھدوائی کے دوران سکوں کے علاوہ بدھ مت سے متعلق دیگر اشیا پائی گئیں۔

ان سکوں کی تعداد تین ہزارہے۔ان کے بارے میں خیال کیا جاتا ہے کہ وہ مہاتلاواروں سے تعلق رکھنے والے سکے ہیں جو ستواہنا کے جاگیر دار تھے۔

پانی گڑی تیسری صدی قبل مسیح کے وسط میں بدھ مت کا ایک اہم مرکزتھا۔ یہاں پہاڑی پر 16 ایکڑ کے رقبے پر پھیلا ہوا بدھسٹ اسٹوپا بھی موجود ہے۔

سب سے پہلے، 1941 میں، اس وقت کی نظام حکومت نے پہلی بار پانی گڑی گاؤں میں کھدائی کی تھی۔ بعد ازاں 2002 اور 2015 میں بھی کھدائی کی گئی تھی۔