وشاکھاپٹنم میں بے قابو کار کی ٹکر، کئی افراد زخمی

حیدرآباد: آندھراپردیش کے وشاکھاپٹنم میں حالت نشہ میں کار چلاتے ہوئے چند گاڑیوں کو ٹکر دے دی جس کے نتیجہ میں بعض افراد زخمی ہوگئے۔اس واقعہ پر دیگر گاڑی سواروں نے برہمی کے عالم میں کار کے شیشوں کو نقصان پہنچایا۔یہ واقعہ کل شب سری پورم،لاسنس بے کالونی میں پیش آیا۔

بتایاجاتا ہے کہ اس حادثہ کے وقت کار میں چارافرادسوار تھے۔حالت نشہ میں گاڑی چلانے کے نتیجہ میں اس نے گاڑی کا توازن کھودیا اور بے قابو کارنے سڑک سے گذرنے والی دیگر گاڑیوں کو ٹکردے دی اور بعض گاڑی سوار زخمی ہوگئے۔

کار چلانے والے کا بریتھ انالائزرٹسٹ کرنے پر اس کے حالت نشہ میں ہونے کی توثیق ہوگئی۔ا س حادثہ میں زخمی افراد اور ان کے ارکان خاندان کی بڑی تعداد وشاکھاپٹنم تری ٹاون پولیس اسٹیشن پہنچ گئی۔

پولیس نے اس حادثہ کا سبب بننے والی کار کو پولیس اسٹیشن منتقل کردیا اور اس سلسلہ میں ایک معاملہ درج کرکے کار چلانے والے کو حراست میں لے لیا۔