مرکزی وزیر پرشوتم روپا لا کاحیدرآباد میں آٹو میں سفر

حیدرآباد: مرکزی وزیر پرشوتم روپالا، پرانے شہرمیں بی جے پی کی وجئے   سنکلپ یاترا میں شرکت کے لیے حیدرآباد پہنچے۔ انہوں نے شہر  کے  اپل علاقے میں آٹو میں سفر کرتے ہوئے سب کو حیرت میں ڈال دیا۔ مرکزی وزیر نے عوام سے بات چیت کی اور ان کے مسائل دریافت کئے۔ 

پرشوتم روپالا کا مرکزی وزیر ہونے کے باوجود ایک عام مسافر کی طرح آٹو میں سفر کرنا عوام کو حیرت میں ڈال دیا۔ انکے آٹو میں سفر کے مناظر سوشل میڈیا پر وائرل ہو رہے ہیں۔

 دوسری طرف ڈی سی سی صدر اور دیورکدرا کے رکن اسمبلی جی مدھو سدن ریڈی نے برہمی کا اظہار کرتے ہوئے کہا کہ بی جے پی جو کچھ بھی کر رہی ہے وہ کامیابی کا سفر نہیں بلکہ گھر واپسی کا سفر ہے۔

 انہوں نے کہا کہ چیف منسٹر ریونت ریڈی کی قیادت میں اندرون دو ماہ کانگریس حکومت، ہر محاذ پر کامیاب رہی۔ انہوں نے کہا کہ عوام ریونت ریڈی کی حکومت سے خوش ہیں اور بی جے پی، کانگریس پر تنقید کرتے ہوئے عوام کے فیصلہ کی توہین کر رہی ہے۔