تلنگانہ میں زیر التواء ٹریفک چالانات کی ادائیگی کیلئے غیر معمولی ردعمل

حیدرآباد: تلنگانہ میں زیر التواء ٹریفک چالانات کی ادائیگی کیلئے گاڑی سواروں سے غیر معمولی ردعمل حاصل ہورہا ہے۔

پولیس ریکارڈ کے مطابق ریاست بھر میں 3.59 کروڑ چالان زیر التواء ہیں۔ ٹووہیلرس، آٹوز پر 80%، آرٹی سی بسوں پر 90% اور دیگر گاڑیوں پر 60% رعایت کے اعلان پر عوام کا بہتر ردعمل حاصل ہورہاہے۔

گزشتہ ماہ کی 26 تاریخ سے 11 دنوں تک ریاست بھر میں 76.79 لاکھ چالان کے سلسلے میں 66.77 کروڑ روپے کی ادائیگیاں کی گئیں۔

گاڑی چلانے والوں کو مشورہ دیا گیا ہے کہ اس سہولت سے فائدہ اٹھائیں۔ می سیوا، پے ٹی ایم، ٹی والیٹ اور نیٹ بینکنگ کے ذریعہ ادائیگیاں قبول کی جارہی ہیں۔